ბავშვის ოთახის მოწყობა მნიშვნელოვანი და სასიამოვნო პროცესია, რომელიც მშობლებისგან კრეატიულობასა და პრაქტიკულ მიდგომას მოითხოვს. ეს სივრცე არა მხოლოდ დასაძინებელი ადგილია, არამედ გარემო, სადაც ბავშვი იზრდება-ვითარდება, სწავლობს და თამაშობს. სწორად მოწყობილი ოთახი ხელს უწყობს ბავშვის განვითარებას, უსაფრთხოებასა და კომფორტს. მნიშვნელოვანია მშობლებმა შვილი ჩართონ საკუთარი სივრცის მოსაწყობად, ასეთი დამოკიდებულებით ბავშვს შეუყვარდება მისი ოთახი და მშობლების პირადი სივრციდან ხალისით გადავა თავის პატარა ახალ სამყაროში. 

• პირველ ეტაპზე თქვენ უნდა გაითვალისწინოთ ოთახის მოსაწყობად უსაფრთხოება. ოთახში განთავსებული ყველა ავეჯი თუ აქსესუარი უნდა იყოს მყარი და ჰქონდეს მრგვალი კუთხეები;
• ელეტქრო როზეტები უნდა დაიფაროს სპეციალური საფარით, ხოლო ფანჯრებზე დაამონტაჟოთ უსაფრთხოების საკეტები ან უბრალოდ, ფანჯარა დაამონტაჟოთ მაღალზე;
• გასათვალისწინებელია ასევე, ფერები - რბილი, პასტელური ტონები ხელს უწყობს მშვიდ ატმოსფეროს, მაგრამ არ უნდა გამოვრიცხოთ მკვეთრი აქცენტებიც, რომლებიც ასტიმულირებს ბავშვის ვიზუალურ აღქმას. კედლების მოხატვა ან სტიკერების გამოყენება შეიძლება იყოს კარგი გზა სივრცის გასახალისებლად;

• ავეჯის შერჩევისას უნდა გაითვალისწინოთ ბავშვის ასაკი. მრავალფუნქციური ავეჯი, როგორიცაა საწოლი უჯრებით ან ტრანსფორმირებადი მაგიდა, რომლითაც აითვისებთ უკეთ სივრცეს და შეგეძლებათ ბავშვის ზრდასთან ერთად მათი მორგება;
• განათება უნდა იყოს მრავალფეროვანი, მაგალითად ზოგადი განათება ჭერზე, სამუშაო მაგიდის განათება და რბილი ღამის განათება. ეს უზრუნველყოფს კომფორტულ გარემოს სხვადასხვა აქტივობისთვის თქვენი ბავშვისთვის;
• შენახვის სისტემების ორგანიზება ძალიან მნიშვნელოვანია. დაბალი თაროები, კალათები და ყუთები ბავშვს საშუალებას მისცემს დამოუკიდებლად მოაწესრიგოს თავისი ნივთები. ეს კი, რა თქმა უნდა, ხელს შეუწყობს ორგანიზებულობის უნარების განვითარებას;
• არ დაივიწყოთ სათამაშო და შემოქმედებითი ზონების შექმნა. პატარა მაგიდა ხატვისთვის, რბილი ხალიჩა და პუფები, კუთხე თამაშისთვის ან წიგნებისთვის, რომელიც წაახალისებს ბავშვის კრეატიულობასა და სწავლის სურვილს.

ბავშვის ოთახის მოწყობა კომპლექსური პროცესია, რომელიც მოითხოვს ბალანსს უსაფრთხოებას, ფუნქციურობასა და ესთეტიკას შორის. კარგად მოფიქრებული დიზაინი ქმნის სივრცეს, სადაც ბავშვი თავს გრძნობს კომფორტულად და დაცულად.

მნიშვნელოვანია გაითვალისწინოთ ბავშვის ინდივიდუალური საჭიროებები და ინტერესები, რათა შექმნათ გარემო, რომელიც ხელს შეუწყობს მის ჯანსაღ განვითარებასა და ბედნიერებას. ოთახის მოწყობა შეიძლება იყოს სასიამოვნო პროცესი მშობლებისთვისაც, რადგან ეს არის შესაძლებლობა გამოხატონ თავიანთი სიყვარული და ზრუნვა ბავშვზე მატერიალური ფორმით.