ინტერიერის დიზაინში ბუნებრივ მასალებს განსკუთრებული როლი უჭირავთ. თანამედროვე დიზაინის ერთ-ერთი ყველაზე მნიშვნელოვანი მიმართულება სახლის ბუნებასთან და ბუნებრივ გარემოსთან მეტ დაახლოებას გულისხმობს.  

ყველაზე მოთხოვნადი ბუნებრივი მასალა კი ხეა - ის იდეალური მასალაა ჩვენი კლიმატისთვის. მისი თბილი ჩრდილები და ნატურალური ტექსტურა სახლში სიმყუდროვეს ქმნის და შესანიშნავად გამოდგება, როგორც სააგარაკე სახლის, ისე ქალაქის ბინების გასაფორმებლად. ამ მასალით შექმნილი საცხოვრებელი გარემო განსაკუთრებით მათთვისაა, ვისაც ბუნებასთან სიახლოვე მოსწონს. 

ხის მასალისგან დამზადებულ ჭერსა და იატაკს დიდი ხნისა და მრავალფეროვანი ისტორია აქვს სახლის დეკორაციაში.

სხვა ეპოქებისგან განსხვავებით დღესდღეობით ხეს ინტერიერში უფრო სადად იყენებენ. 

დღეს ხის გარეშე მოწყობილ სახლს იშვიათად ნახავთ, თუმცა მარტო ამ მასალის გამოყენებით შექმნილი ინტერიერი მოსაწყენია მას ბეწვი, ტყავი, სპილენძი, მარმარილო  და  სხვა ბუნებრივი მასალები სჭირდება.

მაგალითისთვის გთავაზობთ ერთ-ერთი სახლის ნიმუშს, რომლის ინტერიერშიც ამ ბუნებრივ მასალას  განსაკუთრებული დატვირთვა აქვს. 

კრეატიული ინტერიერის შესაქმნელად ამ  სახლში გამოყენებულია რამდენიმე განსხვავებული ხის მასალა.